 |
| |
 |
| Kristín Karólina Helgadóttir - Arnar Ásgeirsson |
| Ómælislaug / Infinity Pool |
| 23. 08. 2024 - 29. 09. 2024 |
| |
Föstudaginn 23. ágúst opnar sýningin Ómælislaug í Kling & Bang. Þar munu listamennirnir Arnar Ásgeirsson og Kristín Karólína Helgadóttir sýna ný verk sérstaklega unnin fyrir sýninguna.
Á sýningunni tefla þau fram verkum sem benda á kíminn hátt til þess hvernig hversdagsleg kerfi, sem við erum þátttakendur í, móta og stýra hegðun okkar og gildismati.
Í verkum sínum dregur Arnar fram hversdagslegar og misþekktar menningartilvísanir, endurgerir og gefur þeim nýja merkingu. Með kunnuglegu myndmáli veltir Arnar fyrir sér hugleiðingunni um hið upprunalega og eftirmynd og muninum sem liggur í því að frumskapa og herma eftir. Arnar er einn stofnenda listamannarekna rýmisins Open. Arnar Ásgeirsson lauk BA prófi í listum frá Gerrit Rietveld Academy og útskrifaðist með MA gráðu frá Sandberg Institute í Hollandi.
Kristín Karólína notar ýmsa miðla í vinnu sinni til þess að kasta ljósi á þá innri togstreitu og dulinn tvískinnung á milli vestrænna lífshátta og náttúrunnar sem maðurinn byggir. Draumkenndar myndhverfingar ásamt leik með hið hversdagslega, sem rata til óvæntra opinberanna, hjálpa áhorfendum að halda sér á floti í kviksyndi samtímans. Hún hefur verið meðlimur í sýningarhaldi listamannarekinna rýma, Kunstschlager í Reykjavík og ABC Klubhuis í Antwerpen. Árið 2024 sýndi hún verk í sýningu Listasafns Reykjavíkur D-vítamín. Kristín Karólína Helgadóttir lauk BA námi í listfræði og heimspeki árið 2015 frá Háskóla Íslands og meistaragráðu í myndlist frá KASK í Belgíu árið 2021.
Hildigunnur Birgisdóttir myndlistarmaður hefur skrifað sérstaklega texta fyrir sýninguna.
|
| |
Marshallhúsið
Grandagarður 20
101 Reykjavík
Ísland / Iceland
Opnunartímar/Opening hours
Mið til sun 12 – 18
Wed-Sun 12 - 6 pm.
lokað á mánudögum / þriðjudögum
closed on Mondays / Tuesdays
Aðgangur ókeypis
Admission Free |
| |
|
|
|
Grandagarğur 20 - 101 Reykjavík
kob@this.is |
